Leitarupplýsingar eru ferli þar sem tilteknar tegundir upplýsinga/gagna eru fengnar eða óskað eftir af þeim sem stjórna leit að týndri manneskju. Næsta stig þessa ferlis felst í því að virkja úrræðateymi til að safna, vinna úr og nýta, greina og búa til gagnlegar upplýsingar sem síðan er hægt að nota til að setja saman aðgerðaáætlanir. Venjan hefur verið að safna vinna úr, nýta, greina og búa til slík gögn á pappír og nýta reynslu leitarstjóra og þjálfaða mannsheila til að flokka þau. En hvað ef tölvur og gervigreind gætu tekið að sér þá vinnu? Þetta er tilgátan sem við erum að skoða, í háskólarannsókn sem er fjármögnuð af einkaaðilum. Verkefnið „Artificial Intelligence for Search and Rescue“ (gervigreind við leit og björgun) er verkefni sem miðar að því að nýta gervigreind og tengdar reikniaðferðir og tól til að styðja við leitar- og björgunarverkefni (SAR). Verkefnið er unnið í samstarfi við Dr. Franz Kurfess og nemendur í grunn- og framhaldsnámi í tölvunarfræði- og hugbúnaðarverkfræðideild hjá California Polytechnic State University (Cal Poly) í samvinnu við fyrrum nemendur skólans, þá Gary Bloom og Christopher Young, sem báðir eru reyndir stjórnendur leitar- og björgunaraðgerða. Verkefnið hófst sumarið 2021 með rannsóknum, fjármögnuðum af einkaaðilum, eldri verkefnum og bekkjarverkefnum. Í fyrirlestrinum verður grunnvinnunni lýst, þar á meðal söfnun og samþættingu viðeigandi aðferða til að geyma og vinna úr gögnum og rannsóknum á tækifærum sem kunna að felast í nýtingu gervigreindar. Þessu lýkur með sýnikennslu á vinnulíkaninu og hvernig hægt er að samþætta það við virk mannshvarfstilvik.