Landsbjörg notar vefkökur til að bæta upplifun og greina umferð um vefinn.
Nánar um vefkökunotkun
Go to navigation .
Katrín Jakobsdóttir sat á Alþingi í 17 ár eða frá 2007-2024. Áður var hún að kenna íslensku, vinna við útgáfu- og ritstörf og fjölmiðla, auk þess sem hún var varaborgarfulltrúi í Reykjavík 2002-2006. Hún varð formaður VG árið 2013, gegndi embætti mennta- og menningarmálaráðherra 2009-2013 og gegndi embætti forsætisráðherra 2017-2024. Katrín er með meistarapróf í íslenskum bókmenntum og er sérsvið hennar íslenskar glæpasögur. Hún er gift Gunnar Sigvaldasyni og saman eiga þau þrjá syni.
Í embætti sínu sem forsætisráðherra þurftu landsmenn að takast á við ýmsar hremmingar. Heimsfaraldurinn stóð yfir 2020-2022 en auk þess gekk á með náttúruhamförum. Eldgos, snjóflóð, skriðuföll og aftakaveður eru þar á meðal. Í embætti sínu öðlaðiast Katrín mikla reynslu af því að vinna með viðbragðsaðilum, ekki síst björgunarsveitunum. Hún mun í erindi sínu ræða mikilvægi viðnámsþróttar samfélaga og þá lærdóma sem hún telur hægt að draga af starfi björgunarsveitanna á Íslandi sem og starfi annarra viðbragðsaðila og stjórnvalda.