Zuzana Stanton-Geddes er sérfræðingur í áhættustýringu hjá Alþjóðabankanum, þar sem hún hefur síðan 2010 unnið að verkefnum og greiningu sem tengist áhættustýringu í þéttbýli, áhættustýringu flóða, endurreisn eftir hamfarir og áhættufjármögnun. 

Friðfinnur Freyr Guðmundsson verkefnastjóri neyðarviðbúnaðar hjá Isavia, formaður landsstjórnar björgunarsveita og einn af stjórnendum Íslensku alþjóða björgunarsveitarinnar. Björgunarsveitarmaður í rúm 30 ár.

Víðir Reynisson er sviðsstjóri Almannavarnadeildar Ríkislögreglustjóra. Bakgrunnur Víðis er í störfum fyrir björgunarsveitir og lögreglu allt frá þátttöku í víðavangsleit eftir týndu fólki að stjórnun björgunaraðgerða. 

Kevin Wickersham, MS, CEM, starfar sem viðbragðsstjóri almannavarnastofnunar Washington-ríkis í Bandaríkjunum. Undanfarin 15 ár hefur hann starfað við sérstakar aðgerðir á sviði neyðarþjónustu og sem hamfarastjórnandi á sviði heilbrigðisþjónustu, æðri menntunar, lýðheilsu og stjórnsýslu ríkisins.